राजधानीमा माघ १९ को शाहि कदमको समर्थनमा चियापान समारोह काठमाण्डौं, १९ माघ २०६० साल माघ १९ गतेका दिन देशमा फरक किसिमको तरंग पैदा भएको थियो । माघ महिनाको हुस्सुमय कठयाग्रिंदो जाडोको दिनमा एका बिहानैं तत्कालिन शाहि नेपाली सेनाका भरिभराउ बाहनहरु राजधानीको चोक चोकमा तैनाथ भएका थिए । पुराना अनुभविहरु कुनै ठूलै राजनैतिक परिवर्तन अझ भनौं सैनिक कु को आशंकामा थिए । अन्ततः १० बजे तत्कालिन राजा ज्ञानेन्द्रको शाहि बक्तब्यले दल र प्रजातन्त्रमाथि अंकुष लाग्यो, देशमा राजाको नेतृत्वमा सैनिक शासन लागु भयो । २०४७ को संबिधानले देशको प्रतिकुल अवस्थालाई मध्येनजर गर्दै आवश्यकता परको खण्डमा राजाले शासन सत्ता हातमा लिने, प्रजातन्त्रीक अभ्यासलाई नियन्त्रणमा लिई निर्दलीय शासन सत्ता लागु गर्न पाउने प्राबधान दिएको थियो । राजा ज्ञानेन्द्रले त्यहि अधिकारको प्रयोग गरे, वाक स्वतन्त्रता लगायत नागरिकका मौलिक हक अधिकारहरु जो ( बक्तब्य दिन पाउने, सभा सम्मेलन गर्न पाउने आदि) कटौती भए । २०६२ ६३ को आन्दोलनले राजाले एकतन्त्रिय शासन त्यागेर पुनः देशको संचालन प्रणाली दलहरुमा सुम्पिए । संबिधान सभाको पहिलो निर्णयले राजस...